CENTRAL TALENT SEARCH EXAMINATION – 2024
मिरुआरि रोंगौथि सायख’ आनजाद -2024
बानजायगिरि:- दुलाराय बर’ फरायसा आफाद
गा:मा:- बड’फा हाउस, बागानसालि, वार्ड नं- 7, कक्राझार, बि.टि.आर. आसाम
पिन- 783370
गिबि गिबियावनो गौथुमारि गाहाम हामलायनायखौ जासिहरग्रोबाय । दुलाराय बर’ फरायसा आफादनि मोनसे गिदिरथार मावथांखि “Mission Skill and Quality Education ” नि सायाव दुलाराय बर’ फरायसा आफादआ हाबा मावबाय थादों आरो बे मिरुआरि रोंगौथि सायख’ आनजाद (Central Talent Search Examination) खौ दाइनथि खेबनि थाखाय मिरु रोंगौथि सायख’ आनजाद बर्ड (Central Talent Search Examination Board) नि मददजों खुंफुंनो थांखि लानाय जाबाय ।

रोंगौथि सायख’ आनजाद (Talent Search Examination) नि नोजोर आरो थांखि :- बर’ बिजोंआव फरायनाय फरायसाफोरनो गुनगोनां सोलोंथाइ (Quality Education) खौ बांहोनाय आरो बादायलायनाय मुगायाव बादायलु गोसो फरायसाफोरनि गोसोआव सोनायजों लोगोसे बे आनजादनि गेजेरजों गुबुन गुबुन सोरबिथिंआव थानाय फरायसाफोराबो बादायलायनायनि गेजेरजों गावनि सायाव फोथायनाय (Self Confidence) लाबोनो हागोन आरो इयुनाव जायखिजाया आनजादजोंनो मोगा-मोगि जानो हागोन । बेफोरबायदि गोबां बिथिंखौ नोजोराव लानानैनो दुलाराय बर’ फरायसा आफादआ जोंनि गुबुन गुबुन थासारिनि फरायसाफोरनो मोनसे लामा दिन्थिनाय आरो बुहुमनि गुबुन गुबुन जौगा माहारिनि फरायसाफोरजों में सें बादायनानै जाहाथे देरहासाद जानो हायो बेनो बे आनजादनि गुबै थांखि आरो नोजोर ।
आर’ ज बिलाइ ग’ थायनायनि नेमखान्थिः
  • बिजाथिया आर’ज बिलाइ आरो नुजाथि बिलाइ (Admit Card) नि थाखाय गांनै Passport Photo ग ‘थायफानांगोन ।
  • बिजाथिया गावनि आर’ ज बिलाइखौ 21 नबेम्बरनि गेजेराव गावबा – गावनि गाहाइ फोरोंगिरि एबा दखरानि मावखुलियाव ग’ थायनांगोन । गाहाइ फोरोंगिरिनि सागान (Signature) गैयाब्ला बिजाथिनि आर ‘ज बिलाइखौ ग ‘नायथि होनाय जानाय नङा । बिजाथिया आनजादनि मासुल (Examination Fee) 30.00 रां ग’थायफानांगोन।
आनजादनि नेमखान्थिः आनजादनि खालारआ 10 डिसेम्बर, 2023 जागोन । आनजादनि सम – फुंनि 10.00 रिंगानिफ्राय 12.30 रिंगासिम ।
  • आनजादआव खालि थाखो गु (ix) आरो जि (x) नि फरायसाफोराल’ बाहागो लानो हागोन ।
  • बिजाथिया आनजाद सालियाव 30 मिनिटनि सिगांनो सौफैनांगोन। नुजाथि बिलाय (Admit Card) गैयाब्ला बिजाथिखौ आनजादाव जिरायनो होनाय जानाय नङा।
  • फिन्नाय बिलाइयाव रेबगन (Ball Pen) बाहायनो नांगोन ।
  • आनजादसालियाव मबाइल फन, केलकुलेटर बायदि बेसादफोर बाहायनो मोननाय नङा।
  • आरजायै आरो गाज्रि आखु नुयोब्ला आनजाद सालिनिफ्राय होखारनाय जागोन
सोलु आरो फिन्नायनि नेम – खान्थिफोरः
  • आनजादआ मोनब्रै आयदा – (क) गोर्लै सानखान्थि, (ख) गोर्लै बिगियान, (ग) इंराजि आरो (घ) जि. के. (G.K.) नि सायाव जागोन आरो मोनफ्रोमबो आयदायाव 50 नम्बरनि सोंलुजों गासै 200 नम्बरनि सोंलु थागोन आरो मोनफ्रोमबो सोंथिनि थाखाय 1 (से) नम्बर थागोन।
  • गोर्लै सानखान्थि, इंराजि, आरो गोर्लै बिगियान आयदानि सोंलुफोरखौ गावबा गावनि फराफारि (Text Book) निफ्राय सोंनाय जागोन आरो जि.के. आयदायाव Current Affairs, गेलेमु, हारिमु, राजखान्थि, जारिमिन, थुनलायारि, भुमखौरां फोरनिफ्राय सोंनाय जागोन ।
  • सोंलुआ Objective Type multiple choice जागोन।
  • थार फिन्नायखौ सायख’नो थाखाय बेंखनखौ गोसोम (Darken) खालामनांगोन । फिन्नायनि बेंखन दब्लायाव दान्नानै गुबुन मोनसे बेंखन दब्लायाव लिरफिनोब्ला बेखौ गनायनाय जानाय नङा।
सायख’नायनि नेमखान्थिफोरः
  • बांसिन नम्बर मोन्नाय फरायसानि गेजेरनिफ्रायनो Top-3 सायख’नाय जागोन।
  • बान्था हिसाबै Top-3 नि सेथिनो – 20,000 रां, नैथिनो – 15,000 रां आरो थामथिनो – 10,000 रां Scholarship लोगोसे गांसे मान बिलाइजों बरायनाय जागोन। बेनि अनगायैबो Top-3 नि गाहायनिफ्राय Top-5 सायख’ नानै फरायसाफोरनो गांसे फोरमान बिलाइ आरो 2,000 रां Scholarship होनानै बरायनाय जागोन। बिजाथिया गावनि आनजादनि नम्बरनि सायाव सन्देह जायोब्ला 7 साननि गेजेराव दख ‘रानि गेजेरजों नायफिन्नाय खालामनो हागोन आरो बेनि थाखाय आनजाद सामलाय आफादनो गांसे आर ‘ज बिलाय ग ‘थायनांगोन ।
  • आनजादनि फिथायखौ मोनफ्रोम आनजाद सालिफोराव 2 जानुवारी, 2024 इं खालारखालि फोसावनाय जागोन। आनजादनि फिथायखौ मोनफ्रोम आनजाद मिरुसिम थिखानाय खालारबादि दैथाय हरनाय जागोन लोगोसे देरहासाद फरायसाफोरनि आनजादनि फिथायखौ ओनसोलनि रादाब बिलायफोराव फोसावनाय जागोन ।
  • Centre wise आव मार्कसिटखौ आजादनि फिथाइ फोसावनायनि 7 साननि गेजेराव होनाय जागोन ।
  • गासै बिथिंयावनो Board नि थांखियानो जोबथा थांखि जागोन
सुलाद लानो हागोन
सोमावसार बसुमतारी, जानबुं – 8638472169
रमिअ कु. बसुमतारी, जानबुं – 8638559617